فيه ناس عايشه وفيه ناس شبه ميته!!!

اول شي السلام عليكم ورحمه الله وبركاته

كيفكم وش اخباركم بصراحه وحشتوني من جد لكم فقده فيه ناس عايشه وفيه ناس شبه ميته!!! T025

اعذروني على طرح الموضوع بس انا اعطيكم الي جوا قلبي ومن الي اشوفه

الي هو الناس الي عايشه ففقر وفقر قوي بعد بدايه الموضوع انا ذاك اليوم

كنت مسافر الشرقيه مع العيال كنا فماك الي فكورنيش الخبر دخلت انا

والعيال بنتعشى جلس قدامي واحد يعني مشاء الله نقول انه كاش من شكله

طلبت انا وطلبو العيال توني بحط الاكل ففمي الا بنت صغيره جت عنده تقول

له بصوت فيه من جد حزن ياخي الي قلبه حجر بيحس قالت ابي اكل تخيلو

وش قال لها؟؟تتوقعون عطاها اكل من الي عنده تتوقعون عطاها لو 5 ريال

قسم بالله ودي افقع وجه لين يعض الارض .. قالها اقول يالله يالله فارقي عن

وجهي يالله البنت فعيونها الدمعه يقول يالله روحي مانيب معطيك شي يالله

والله يا اخوان اني قمت بفجر وجهه بقوس من الغبنه طيب انت منت معطيها

روحي الله يعطيك اقل شي بس والله اني قمت ومسكني واحد من العيال

الرجال نفسه سمعني وانا اتكلم ماك كلهم يطالعونا قمت انا طلعت شريت

شريت للبنت وجبه طفل هي واخوها الثاني لو تشوفون البسمه فوجيههم

انا بنفسي انبسطت استانست لما شفتهم انبسطوا لكن النذل هذا

شوفو الوصاخه الي فيه يعني ربك سبحانه الي عطاك مايقدر يعطيها

ربك سبحانه الي اخذ منها نعمه الغنى مايقدر ياخذها منك .

طيب اذا انت تسوي هالاشياء مع الفقارا وش تحس فيه مايانبك ضميرك

قلبك لهدرجه معميته وصخ الدنيا .

والله شفت مواقف مره تضيق الصدر مره واحد من العيال يسولف لي يقول

كنت فحي من احياء الرياض القديمه

شفت واحد جالس يفتش الزباله جيت عنده قلت له هي وش تسوي قال والله ميت

جوع فمه اشهب من العطش يقول ذاك اليوم مدري وش اسوي احترت ماسويت الا اني

اعطيته فلوس والله يااخوان يقول بعد يومين الفلوس رجعت دبل الي عطيته يعني

سبحان الله شوفوا ربي كيف كريم بس فيه ناس معها وقسم بالله ماتطلع القرش

بعضكم بيقول وش دراك انهم مايطلعون ؟ صح عليكم انا ما ادري

بس انا قصدي البعض من الناس المقرشه الي ماتطلع شي ولا فيه ناس الله

يوفقهم يارب ويفرج عنهم مثل مافرجوا هموم هالناس الفقيره يالله يارب

انا اقصد يعني لو تشوف وضع الناس الغنيه المقرشه وتشوف حال الناس الفقيره يضيق صدرك,

تدعي الله انه يرزقهم ويغنيهم عن ذالناس الي تعطيهم بمذله وشين نفس..

لاحد يزعل يا اخوان من الموضوع بس والله من الي اشوفه وانا الي فقلبي على لساني فيه ناس عايشه وفيه ناس شبه ميته!!! T025

الموضوع طويل يا حبايب وآسف على الاطاله بس شي فقلبي وحبيت اوصله لكم

فديتكم ....

والي قد شاف موقف زي كذا ولا عنده اضافه لايحرمنا منها فيه ناس عايشه وفيه ناس شبه ميته!!! T077

اخوكم:فارس

مثل ما قلت اخوي في ناس فيها خير وفي ناس قلوبها ميتة
اعمتهم الأموال وقست قلوبهم والا ايش ذنبها بنت صغيرة يكسر خاطرها
لكن الدنيا باقي بخير فهناك الكثير ممن في قلوبهم رحمة
جزاك الله خيرا اخي الفارس

يعطيك العافيه اخوي الفارس موضوع جميل جد تقبل مروري

مشكور ين اخوانى علي و باسم المشاعر علي ردكم الرايع

مشكور ين اخوانى علي و باسم المشاعر علي ردكم الرايع

مشكور اخوي فارس